Siáu Axel, un jove estudiant provençau de la region d'Avinhon mai qu'estudia a Madrid. Parli pas ben occitan mai aicí vau assajar de parlar d'un pauc de tot en occitan, de l'actualitat en Occitània e defòra, de ièu e d'autras causas!Bonjorn a totei!
Uèi vòli escriure subre quauqua ren que me gonfla fòrça... Totei sabètz çò qu'es passat fa quaquei jorns a l'aeropòrt de Madrid-Barajas... O vau pas contar encara mai o fau dire... quina catastròfa! Mai de 150 mòrts dins aqueste accident de l'avion de Spanair... M'a força emogut, perque ambé tot lo temps que vivi a Madrid, me senti pròche dei madrilencs. Quaquei dei mieus amics m'an telefonat, perque sabon que preni sovent l'avion a Madrid. Mai urosament, èri pas dins aqueste avion.
Mai ço que foguèt pièger, foguèt l'encanhament dei jornalistas aprèp la catastròfa: còntra la companha d'aviacion, còntra lo govèrn espanhòu (qu'auriá pas fach pro d'inspeccions subre aquesta companha), còntra lei mecanicians de l'aeròport, còntra lei secors de l'aeròport, còntra Dieu qu'a pas empachat l'accident, e sabi pas quanteis autras conarias.. E tamben la curiositat maussana dei jornalistas, que sabon qu'una catastròfa ambé talament de mòrts e de nafrats vend pus que leis aventuras de la Paris Hilton ò meme dau pichon Nicolas e de la sieuna granda Carla... Boscan leis istòrias de la vida dei mòrts (...) e descrivon ambé un fum de detalhs lei nafras d'aquélei qu'an subreviscut...
E aprép, coma se bastèsse pas, aquelei jornalistas meravilhoses assagèron (e contunhan d'o faire) de crear un sentiment de panica, en contant cada jorn d'incidents dins leis avions... Vaicí un accident mortau d'un avion en Quirguizstan, vaquí un incident d'un avion de Ryanair en Lemòtges dins lo quau i aguèt pas cap de mòrt... E uèi un autre avion que sortís de la pista en aterrant... Encara pas cap de victima... Lei doás darriers incidents foguèron contats suncament per crear de panica... e vendre de jornaus! Se aguèsse pas agut l'accident de Madrid, auriam pas jamai ausit parlar d'aquò... E auriá pas res cambiat!!
axel_oc @ 22:35 Categorias: Avions jornalistas Madrid accident aeroport Spanair Ryanair
digg it | 
del.icio.us
Adiu, veses, siès tu que m'aprenès l'affar de Ryanair oblijat de se pausar a LMG-Belagarda.
Mars
2008-08-27 - 23:04:47 GMT 1
Mars> O sabiás pas çò qu'aviá passat ambé l'avion de Ryanair a Lemotges? Finalament, lei jornalistas an pas capitat de crear un sentiment de panica dins leis esperits de totei lei gents, se i a quauques-uns que son au corrent de pas ren ;)
E ja son 4 jorns sensa parlar d'accidents d'avions, au mens aquí (en Espanha contunhan de balhar totei lei detalhs de l'accident, cada jorn...)!!!
Axel
2008-08-29 - 15:51:22 GMT 1
Pendent mas vacanças, era au campatge de Laròcabruna (dins lo Chantau). I aguet un auratge daus braves, tot plen d'aubres tomberen sus de las caravana, tentas... Un jornalista de la Montagne (lo jornau locau) venguet lo lendeman e disset : "N'i a pas 'gut de mòrt ? Quò m'interessa pas..."
Pasha
2008-08-29 - 19:43:42 GMT 1
Pasha > Me desgosta aquesta curiositat maussana dei jornalistas quand i a de mòrts... Boscan sensacionalisme... Mai cresi qu'es perque la natura umana es coma aquò, ai gents leis agrada saupre totei lei detalhs macabres... La mòrt fa vendre...
Axel
2008-08-30 - 19:32:43 GMT 1
Muy bueno el blog, la verdad es que da que pensar.
Juegos
2009-05-06 - 10:39:57 GMT 1