Siáu Axel, un jove estudiant provençau de la region d'Avinhon mai qu'estudia a Madrid. Parli pas ben occitan mai aicí vau assajar de parlar d'un pauc de tot en occitan, de l'actualitat en Occitània e defòra, de ièu e d'autras causas!Adieussiatz a totei!
Aquò's lo mieu premier messatge dins aqueste blòg e espèri qu'es pas lo darrièr! Dins aqueste blòg, assajarai d'escriure subre tot çò que m'interessa, mai o vòli faire en occitan!
Ai de dire que sabi pas ben parlar occitan, l'apreni, mai es malaisit o faire solet. Siáu nascut an Avinhon, mai siáu pas d'una familha occitana e per aquò l'occitan es pas estat la premiera lenga qu'ai mestrejat. Mai la vòli aprene perque pensi qu'es fòrça important de saupre parlar la lenga de la sieuna region. Demòri a Puèg-Aut (Pujaut) dins lo Gard provençau, gaire luenh dau centre d'Avinhon (Vau-Clusa).
Pendent l'annada escolara demòri a Madrid, onte estúdii dins l'Universitat Politécnica, dins la Facultat de Topografia, Geodesia e Cartografia. Ja ai fach una annada ailí, e me demòra autra annada. M'agrada fòrça çò qu'estúdii perque m'agrada tot ço qu'a de vèire ambé la cartografia. Farai un pòst subre ma vida d'estudiant un autre còp.
Perdonatz-me per totei lei decas qu'ai fachas dins aqueste pòst, mai era lo premier!! Aqueste blòg es tamben un biais per ièu de melhorar mon nivèu de lenga... E vos prometi que l'article que vén será fòrça mai interessant que la mieuna vida ;)
Lo poton a totei!
axel_oc @ 02:09 Categorias: blog occitan provençau Avinhon Axel
digg it | 
del.icio.us
Adieu Axel!
Benvengut a la blogosfèra occitana!
As plan rason de te botar a escriure en occitan, es un exercici dels bons e segur que t'ajudarà a mestrejar la lenga. E far viure la lenga sul oèb, aquò fa pas de mal!
Esperam la seguida! longa vida a ton blòg!!!
Joan.Peiroton
2008-08-27 - 20:33:31 GMT 1
Òsca per aquel primièr messatge, qu'es ja plan fotut ! ;) E planvengut dins lo Bloguitge !
Lutz
2008-08-28 - 00:18:55 GMT 1
Mercés Joan e Lutz per lei comentaris!! Espèri que vos agrade legir aqueste blòg :)
Axel
2008-08-29 - 01:35:19 GMT 1
Bienvenido a nireblog, aqui es el mejor sitio para abrir un blog!
Juegos
2009-05-06 - 10:40:04 GMT 1