Siáu Axel, un jove estudiant provençau de la region d'Avinhon mai qu'estudia a Madrid. Parli pas ben occitan mai aicí vau assajar de parlar d'un pauc de tot en occitan, de l'actualitat en Occitània e defòra, de ièu e d'autras causas!
Enfin!! Premiera victòria per lei crocodils dau Nimes Olimpic!! Foguèt ièr, còntra Tròias, a l'estadi de l'Auba, per la quatrena jornada dau campionat de Liga 2. Ganhèron 1-0, ambé un but de Mickaël Colloredo. Esperem que siá pas la darrièra! Son a la dètz-e-uechena posicion ambé 3 ponchs.
Un autre motiu de satisfaccion per ièu uèi es la victòria de l'OM au Velodròm, còntra lo FC Sochaux Montbéliard ambé 2 buts per lei marselheses (Ziani e Koné) e un but per Sochaux (Erding). Contunhan d'ocupar la premiera plaça dau classament de Liga 1 ambé 10 ponchs. Deman joga l'Olimpic Lionés que pòt tamben aver 10 ponchs se ganha còntra lei Verds de Sant-Estève.
axel_oc @ 22:25 Categorias: fotbòl espòrt OM nimes olympique olimpic marselha marseille liga 1 2
digg it | 
del.icio.us
Daissar un comentari