Siáu Axel, un jove estudiant provençau de la region d'Avinhon mai qu'estudia a Madrid. Parli pas ben occitan mai aicí vau assajar de parlar d'un pauc de tot en occitan, de l'actualitat en Occitània e defòra, de ièu e d'autras causas!Aprèp un an de tractacions ambé mon escòla d'engenhaires en França (Escòla Centrala de Lion) e mon escòla a Madrid (Escòla Tecnica Superior d'Engenhaires en Topografia, Geodesia e Cartografia de l'Universitat Politecnica de Madrid -- un pauc lònguet coma nom!) vèni de recebre la confirmacion: an sinhat l'acòrdi de doble-diplòma e per aquò, l'an que vén, contunhi d'estudiar a Madrid e poirai... obtenir lo diplòma! Aquò era pas segur (en coneissant l'administracion espanhola...), m'aurián pogut dire que tornèsse a França sensa diplòma... Mai fin finala l'an sinhat!!!! Es un vertadièr jorn de fèsta :D Comenci lei cors lo 29 de setembre :) Vos meti una fòto de la mieuna escòla: es fòrça mens polida en realitat ;)
axel_oc @ 00:51 Categorias: universitat escòla cartografia Madrid
digg it | 
del.icio.us
Felicitacions ! Mas, que vas tu far d'acianta lo 29 de setembre ? Vesitar Espanha ? Te conselhe Salamanca se coneisses pas.
Pasha
2008-09-02 - 10:39:57 GMT 1
Ara siáu encara an Avinhon! Me'n vau a Madrid lo 22-23 de setembre cresi, ai pas decidit la data exacta... L'annada passada ja ai visitat un fum de luòcs, mai me demòran un fum tamben! Ja coneissi Salamanca, ai d'amics ailí :) Mai la vila que m'agrada mai es Toledo :) Es fòrça polida aquela vila!
Axel
2008-09-02 - 11:55:01 GMT 1