Siáu Axel, un jove estudiant provençau de la region d'Avinhon mai qu'estudia a Madrid. Parli pas ben occitan mai aicí vau assajar de parlar d'un pauc de tot en occitan, de l'actualitat en Occitània e defòra, de ièu e d'autras causas!Bonjorn en totei!!
Non, ai pas encara desaparegut totalament!!! Mai aquesta darrièra setmana foguèt un pauc cargada per ièu! Era la premiera setmana de cors per aquesta annada universitaria...E lei professors an decidit de començar un pauc fòrt... Ges de presentacion per la majoritat dei matèrias... Preferissiái lei dintradas de l'escòla primaria ;)
Vau assajar de far un resumit d'aquela setmana:
-lei cors: lei professors son un pauc estranges mai quasi totei ben simpatics... Çò que m'agrada lo mens es que per anar ai cors dau dijous (Amenatjament dau territòri), me fau prendre la veitura per anar de l'autre costat de Madrid, a l'escòla de camins, canaus e pòrts (qu'es pas mon escòla, mai coma lei professors son d'ailà se desplaçan pas!)... E aqueste dijous, i siáu anat ambé una amiga en veitura e nos siám perduts dins lei tuneus sota Madrid (l'autorota M-30...)... Mai après una ora (e mai de 1000 taxis que nos cridèron dessus per qu'anèssem mai rapidament...) avèm trobat l'escòla....
-l'annada passada èri l'unic estudiant estrangièr (o quasi l'unic) de tota l'escòla a Madrid e ara siám 5 forestiers dins ma classa! Ièu, 3 gabachos (es coma se dison lei frances per leis espanhòus), una alemanda... E i a tamben una basca, mai es arribada a l'escòla l'annada passada coma ièu ;) Ambé dos dei frances, aièr siám anats a Toleda, en Castilha. Cresi qu'es lo uechen còup qu'i vau e m'agrada totjorn :)
-Gramarci a Jan-Pèire que m'a mandat son libre per aprene lo provençau "Òsca!". L'ai pas encara començat mai cresi que va m'ajudar fòrça dins mon aprendissatge de l'occitan.
-Per acabar, parlem un pauc d'espòrt:
Desfacha de l'OM a Madrid, còntra l'Atletico 2-1, per la liga dei Campions. Mai lo mai important de la partida foguèt pas malurosament la partida mai çò que se passèt dins l'estadi, entre la policia espanhola e leis afogats de l'Olimpic de Marselha, e tot aquò se passèt a causa d'una banderola ambé ren de realament acipant... E tamben voliáu dire que foguèri decebut per l'actituda racista de quauqueis afogats de l'Atletico... L'Atletico e Liverpool an 6 ponchs, e Marselha e lo PSV 0.
Victòria de l'OM en campionat còntra Caen 2-1.
Lo marrit pantais dau Nimes Olimpic dins lo campionat de Liga 2 s'arresta pas... Desfacha 5-0 còntra lo Racing (d'Estrasborg) a l'estadi de la Meinau... Lei crocodils an sonque 5 ponchs e son darrièrs. Estrasborg es premier. Va èstre dificile de se mantenir en Liga 2!
axel_oc @ 00:47 Categorias: universitat toledo espòrt OM atletico nimes olimpic marselha
digg it | 
del.icio.us
Sòrt damb es estudis! Que cau estudiar, eh? xD
Autant de bon en mèn campus dera uni i auesse mès estrangers... Era màger part sòn en campus principau. :/
Yuji
2008-10-07 - 02:25:30 GMT 1
Los joèbs son 'quí per balhar e prener de las nòvas.
Ai pas de 'vis sus l'espòrt, mas per las dintradas sei coma te, os cors, sei coma te, l'escola primaria era un brave temps.
JP
2008-10-08 - 14:22:35 GMT 1
brava fòto ! ente es ? Bon coratge per tos cors !!!
Los espanhòus disen tanben "franchute" per los frances, non ? Avia un amic que me disia qu'era "el franchute mas cachondo que conocia" ... Sei pas segur d'aver plan compres çò que me volia dire...
pasha
2008-10-14 - 20:09:18 GMT 1
Pasha> La fòto es de Toledo, en Castilha! Òc, dison tanben "franchute" mai es mai afectuós que "gabacho" ;) e per çò de "el franchute más cachondo", vòu dire que siás lo frances mai divertissent, amusant, t'agrada galejar tot lo temps... ;) "Cachondo" tanben vòu dire autra causa dins d'autrei situacions;) Se "te pones cachondo", es que siás tot excitat (sexualament) LOL
Axel
2008-10-14 - 23:48:09 GMT 1
'Laidonc, avia plan compres çò que me volia dire lo meu amic... Ne'n dirai pas mai...
pasha
2008-10-16 - 08:03:20 GMT 1
Que preciosidad de paisaje, me gusta mogollon!
Mujer
2009-04-16 - 10:42:05 GMT 1